Concerto ala "Famee Furlane Club" de New York

Concerto ala "Famee Furlane Club" de New York el 3 novembre 2022. Una serata convivial nela storica sede dell'Asociazion Furlana. L'esibizion del'Asociazion "Vecia Trieste" e del gruppo vocale "Ad Libitum" dela Comunità degli Italiani de Verteneglio se ga fato in una sala piena de spettatori. L'evento xe inizià con la Show Band che ga sonado gli Ini American e Italian. El pubblico xe rimasto in pie e ga cantà tuti e due gli Ini. Poi xe stata la volta del'Orchestra "Vecia Trieste" che ga eseguì brani famosi triestini, brani nazionali e internazionali. El publico scoltava el concerto degustando una fantastica zena a bufet. Sul palco xe salite le "Ad Libitum che ga cantà alcuni brani insieme al'Orchestra. Grande emozioni ga creà l'esecuzion de "Vola colomba" e "New York, New York" con la coreografia dei nostri sonadori più pici. Ga continua el concerto le "Ad Libitum" ciapando tanti aplausi nel'esecuzion del brano "Con te partirò". Per concluder la Show Band, reduce dala Parada de Halloween a Mannhattan, ga atirà l'atenzion dei presenti. El publico, entusiasta e sorpreso dale esecuzioni e dai arangiamenti, ga accompagnado la musica scandendo el tempo con le man. La serata se ga concluso con i dovudi ringraziamenti ala Region FVG, ai Giuliani Nel Mondo, ala Region Istriana, al'Unione Italiana de Fiume, al'Università Popolare de Trieste, al Comun de Trieste, al Comun de Muja, al Comun de Verteneglio ma sopratuto, el ringraziamento più grande xe andà ala "Famee Furlane Club" de New York. La referente del Club ga ringrazia comosa ricordando anche el precedente concerto del 2011 e rinovando l'invito ai due gruppi presenti de farse vivi in futuro. Dopo ga parlà el Presidente dell'Asociazion "La Lampara" de New York Giuseppe Turriciano invitando i presenti al concerto sucesivo del 4 novembre al PS/IS 128 69th St and Juniper Valley Middle Village a NY. Infine ga parlà el VicePresidente dela Famee Furlane esaltando l'esibizion dela colorada formazion e proponendo ala Show Band la partecipazion al Columbus Day 2023. La serata se ga conclus con un mix de canzoni tradizionali Italiane....un viaggio da nord a sud del nostro bel paese sonado dala Show Band.