Come in Harry Potter xè la bachetta che scegli el mago, cusì ogni musicista sa che xè lo strumento a sceglier el sonador, e Monica xè el clasico esempio per cui non te pol far finta de niente...te devi arenderte ala sua scelta.
Nonostante le percusioni gavesi puntà la picola Monica, i genitori continuava insister col flauto e dopo anche con la chitara (dopotuto come darghe torto, chi volesi mai un percusionista in casa?) senza rivar a far inamorar la fia al strumento.
Da adulta finalmente l’ocasion con la Guggenband Muja de avicinarse al primo amor e sonar la casa...strumento comodo quando te se sposti in moto, no?
Casista, trucatrice, grafica, donna dale infinite capacità, Monica xè el factotum dell’Asociazion Vecia Trieste.
Sempre presente e soridente insieme a Roberta forma el duo de casiste.
Dopo ani de ritmi sempre più veloci non xè consigliabile farla rabiare ma fortunatamente la xè dotada de bontà e disponibilità che ghe impedisi de perder le stafe!