In sto ano davvero particolare i concerti xè sicuramente più limitadi ma savemo quanto la musica fazi ben al cuor.
Così gavemo organizà un concerto "speciale" preso la Casa de Riposo Fratelli Stuparich de Sistiana.
Gavemo fato el nostro repertorio in cortil, nel rispeto de tutte le norme igienico sanitarie previste. Anche 'sta volta gavemo visto che la gioia dela nostra musica atraversa le bariere, anche quele architetoniche.
Gavemo zercà de scriver coreto e quindi no gavemo usà dopie.
Ociò però a come te legi perché l'abitdine xe de parlar in triestin, no de legerlo o scriverlo, per cui la 's' aspra (sibilante sorda in cichere) e la 's' dolce (sibilante sonora in cichere) xe scrite uguali e quindi...te devi star atento!
Un esempio per tuti: 'Baso de casa' no xè inteso come 'bacio di casa' (?!?) ma 'basso di cassa'...perché xe un sito de sonadori.
Cosa gavemo imparà? El triestin xe bel ma costa fadiga e noi per la tradizion purghemo! Bona letura!
