Vecia Trieste apri la Barcolana 52

Anche sto ano Vecia Trieste ga sonà in ocasion de l'alzabandiera de mezogiorno per l'apertura dela 52° edizion de la Barcolana là de la Società Velica de Barcola e Grignan.

La banda iera presente in formazion ridota, compata in sto periodo non se pol dir. Gavemo eseguido egregiamente l'ino mentre veniva isado el tricolore, un momento emozionante come sempre.

Grazie in particolare al Presidente Mitja Gialuz, per le bele parole usade nei nostri confronti!

Come leger el sito in trestin

Gavemo zercà de scriver coreto e quindi no gavemo usà dopie.

Ociò però a come te legi perché l'abitdine xe de parlar in triestin, no de legerlo o scriverlo, per cui la 's' aspra (sibilante sorda in cichere) e la 's' dolce (sibilante sonora in cichere) xe scrite uguali e quindi...te devi star atento!

Un esempio per tuti: 'Baso de casa' no xè inteso come 'bacio di casa' (?!?) ma 'basso di cassa'...perché xe un sito de sonadori.

Cosa gavemo imparà? El triestin xe bel ma costa fadiga e noi per la tradizion purghemo! Bona letura!