In questa puntata de Super Vecia Trieste parleremo de l 'evoluzion del Stefano (Musicus Muggiae Vulgaris).
Più comunemente noto con el nome de Maestro o Giok, lo Stefano xè un tipico esemplar de musicista ecletico de confin.
In tenera età el Stefano, vien atrato da musiche folkloristiche triestine, speso el zampeta tra una frasca e l'altra.
Anche se vien atrato da la musica fin de picio, solo nel periodo pre-puberale comincia a usar el tamburo: anche i più esperti confondi el rumor del beco del pichio con quel de le bachete del Stefano.
Nel periodo estivo, el Maestro migra verso ovest, sula riviera gradese dove, prima dei 18, fa la muta del strumento: el pasa dal tamburo al trombon. Anche se le esibizioni musicali in giovine età risulta rare, testimonianze de tedeschi in vacanza aferma che in alcune noti i gabi sentì el rumor sai poco agrazià de l'inesperto sonador.
Col pasar del tempo, per preservar la propria specie, lo Stefano ga dirotà le proprie migrazioni da Grado alla penisola istriana dove l'abondanza de feste e vin xè teren (e teran) fertile per la sua atività artistica. Le uscite musicali in Istria xè un dei fatori più importanti per la sua crescita artistica.
Coi ani la chioma del Stefano tendi a diventare sempre più rada ma al contempo aumenta sempre de più la sua esuberanza, e xè proprio a l'apice de quest'ultima che alcuni rari esemplari de la specie evolvi in Musicus Muggiae Sosaphonis.
Durante el periodo de Carneval el Stefano diventa piutosto teritoriale e canta-suona quasi incesantemente da posatoi in evidenza, come ad esempio in sfilata o su uno sgabel in mezo de piaza Marconi, per atrar le atenzioni del pubblico, scazando energicamente intrusi.
Finisi cusì 'sta puntata speciale de Super Vecia Trieste. Ala prosima...sonada