A sei ani el picolo Amedeo vien portà dal nono trombonista nela banda de Casto, suo paese d’origine, perché el picio impari, oltre la pasion per el bombardin, anche la disciplina insita nele bande tradizionali.
E el picio Amedeo dela disciplina ne ga fato un suo punto forte, tanto che a 18 ani inizia a sonar nela Fanfara dela Scuola Alpina, purtropo però de bombardine la fanfara iera decisamente sprovista e alora emigra ala ricerca spudorata de sue simili.
Finisi cusì a Trieste, nela Fanfara de l'Asociazion dei Bersaglieri Enrico Toti e continuando la sua ricerca scopri una nuova pasion: la musica folcloristica triestina.
Inamorado dal primo acordo (mi bemole) del brano Finanziere, Amedeo se avicina quindi al popolo autoctono scoprindo l’alegria e el carneval locale.
Cusì che insieme al suo amato Amati (no, non xè un giogo de parole) con la banda Belezze Naturali, con la ShowBand Vecia Trieste e poi con la Guggenband Muja riva a circondarse de “eufoni”, “flicorni tenori” e “bombardini” … tuti al feminile! Un bombardin… beato tra le bombardine!
Ma ogni medaglia ga el suo rovescio. La nova vita musicale de Amedeo lo ga reso più… rilasà su la disciplina e el Maestro ormai rinuncia a non farlo ciacolar durante le prove. Ma xè un picolo prezo de pagar, dopotuto dove se trova un altro musicista che soni saltando, balando, imerso in acqua -tipico bombardino anfibio-, che usi el suo strumento come gaveton de acqua, sempre soridente e con una voia de divertirsie così imensa da eser contagiosa?