L’esemplar de Tromba Marco denominà Saio ga insito nel suo eser tute le caratteristiche tipiche de la tromba classica.
Amante de la vita mondana, l’habitat otimale del Saio xe una festa. Poi che la se svolgi in bireria, osmiza o campagneta no cambia niente, l’importante xe che ghe sia una bona grigliata per nutrirse e, perché no, qualche spina per abeverarse.
El Saio xe fondamentalmente un personagio da compagnia, per atirar le femine usa tufarse in acqua vestì a la fine dei concerti, restando con la maieta bagnada e i adominali in piena mostra (dopotuto ghe piasi vinzer facile…)
Abile a schivar el studio, nol se tira mai indrio per iutar e per organizar qualunque cosa ghe vegni richiesta.
Una banda devi eser felice quando un esemplare de Saio se presenta in sala prove: xè un onor non conceso a tuti!