Tromba

Mujesan doc dal pedigree carnevalesco, Daniele fin da la giovine età eredita dai genitori el morbin mujesan e la pasion per el carneval in tute le sue forme.

E xè proprio fra un balo de le bambole e un giro per la sua Muja vestì da principino che Daniele senti el richiamo de la musica. Comprerà el suo primo strumento a 9 ani in un autogrill durante un viagio: un flauto de plastica arancion.

De là inizia una nova aventura. El picolo Daniele se iscriverà al doposcuola de musica del Maestro Beacovich e l’ano dopo entrerà nela scola de musica dela banda del ’Ongia.

Diretamente de Buie, Roberta xè entrada in ShowBand Vecia Trieste dopo un lungo percorso musicale.

Nata ne la Banda dela Comunità italiana de Buie col clarineto, Roberta gà individuà presto una nuova pasion: la tromba! Strumento che ghe ga dà la possibilità de esprimerse e esibirse al meio con tantisimi grupi.

Gentile, disponibile, sempre presente, generosa e col soriso, Roberta xè stata anche l’artefice materiale delle divise dela Banda.

Un’unica racomandazion: mai, ma proprio mai farla rider, la sua ridariola xè contagiosa e non se finisi più!

L’esemplar de Tromba Marco denominà Saio ga insito nel suo eser tute le caratteristiche tipiche de la tromba classica.
Amante de la vita mondana, l’habitat otimale del Saio xe una festa. Poi che la se svolgi in bireria, osmiza o campagneta no cambia niente, l’importante xe che ghe sia una bona grigliata per nutrirse e, perché no, qualche spina per abeverarse.

ATF! A Tuta Forza! …sempre…

Da quando ga inizià de picio a studiar la tromba, Giorgio ga mantenudo il mantra “ATF!”, continuando ancora ogi dopo più de trenta ani a studiar e imparar, fazendo sue tute le nozioni che i ghe ga insegnà e le esperienze musicali visude.

Mujesan, dal 1979 se avicina a la musica nela scola dela compagnia Ongia, proseguindo dopo con le stesa banda dove nel giro de un ventenio el pasa da la tromba al trombone/bombardino.

Nel 2000 el entra a far parte dell'Orchestra Vecia Trieste e poi anche della ShowBand.

Inconfondibile col suo trombon verde, in tanti ancora se chiedi dove trova tuto quel fià per strombazar in quela maniera...mah mistero.

Clase 1985, diretamente da Buie d'Istria, Dean xe sta' scelto da la tromba a 8 ani e cusì ga comincià el suo percorso musicale nela Banda d'Ottoni dela Comunità Italiana di Buie, al principio come percusionista.

Dopo un breve periodo da Tamburino Sardo coi cavei a ciotola, el ga continuà la sua aventura musicale col suo primo amor, la tromba appunto.

Nel 2007 entra ne l'Asociazion Vecia Trieste e in qualche ano diventa peso masimo nel grupo (in tuti i sensi!) sia come orchestra che come showband, pur mantenendo la colaborazion con la Guggenband Muja.

Uno dei ultimi acquisti del grupo. Ancora giovine ma potenzialmente una buona trombetista.

Solare e scherzosa, se bon sangue non menti ne sentiremo dele bele.