De solito quando descrivemo la nostra Orchestra o la nostra ShowBand usemo, in modo totalmente spontaneo, termini legai ala vista; probabilmente non xè un caso che le nostre divise sia cusì colorade. Ma xè posibile colegar alla musica che scoltemo dei colori? La sinestesia, e nel specifico la cromestesia, nè fornisi diversi spunti.
La crometesia in neurologia saria l'asociazion de sensazioni visive colorade con percezioni de altra natura: uditive, gustative, olfative.
La cromestestia nel mondo artistico
Parlemo de una condizion bastanza rara ma un numero notevole de artisti risulta sinesteti: tra questi Vincent Van Gogh, Wassily Kandinsky, David Hockney, Nikolai Rimsky-Korsakov, Leonard Bernstein e Duke Ellington.
Sto fenomeno ga sicurò determinà nel percorso de sti grandi nomi; per esempio Kandinsky considerava el color un mezzo che ghe permeteva de esercitar un influso diretto su l'anima: con la rapresentazion pitorica el gà rivà a crear simbolicamente composizioni musicali.
L'influso de l'emozion
Molti non sinesteti vivi asociazioni musica-color simili a quele dei sinesteti grazie al potere asociativo del nostro zervel e ala centralità dele emozioni nela nostra vita mentale.
Diversi studi sula cromestesia xè stai fati dal prof. Stephen E. Palmer de l'Università de Berkley, i xè interesanti per bon e i se pol trovare in questa pagina .
Per i coleghi musicisti segnalemo lo studio sulle associazioni tra colori e suoni musicali che varia nel timbro strumentale e nela strutura armonica de intervali de 2 note e acordi a 3 note.
Nel corso de le sue ricerche, Palmer ga riscontrà analogie de asociazion dei colori trai gruppi sinesteti e i grupi non sinesteti: musica veloce e in toni magiori ciama colori vividi, ciari e gialastri, mentre la musica lenta e in toni minori ciama colori scuri, grigi e bluastri.
Efettivamente musica e colori ga poche proprietà sensoriali in comune: la musica xè uditiva e ga proprietà come tempo, tono, timbro e ritmo. El color xè visivo e ga proprietà de legereza, vivacità e tonalità. Tute e due però provoca risposte emotive e secondo Palmer le emozioni xè potenzialmente rilevanti per quasi tuto ciò che sperimentemo, anche quando le deriva da diversi tipi de informazioni in diverse regioni del zervel.
Ancora una volta quindi lasemose guidar da l'emozione, ne permeterà de viver in modo diverso le nostre esperienze, anche quele più comuni.