El Festival Internazional de Artisti de Strada FVG ga portà la magia a Cervignan sabato 22 agosto 2020 con la sua 12 edizion. Come non esere presenti?
La Vecia Trieste ga partecipà in formazion Showband con un repertorio vario che ga divertì tuti i presenti grazie anche a la Compagnia del Carro che ga organizà l'evento. Gavemo sonà la sera, in due diversi momenti, e gavemo portà alegria e color in un ambiente zà animà e pien de brio.
La prima esibizion
El primo concerto in Vicolo Stemine, allestì molto bene da l'organizazion dove un nutrido publico entusiasta ne ga acolto nel rispeto del distanziamento dovù alla situazion; qua gavemo fato prevalentemente musica ani 80. Euforici per el nostro primo concerto dopo tanto tempo e direti dall'instancabile Maestro Riccardo Gobessi, gavemo otenuto el meritato suceso.
El secondo concerto
El secondo concerto se ga svolto nela sugestiva cornice del fiume Ausa dove gavemo intratenù el publico presente non solamente sui spalti ma anche sul ponte e ne l'altro lato del fiume. Anche qua non xè mancai aplausi.
Gavemo chiuso in beleza con una sfilata per le vie centro insieme a tuti i atori de la giornata. Per finire gavemo fato ancora due brani al Parco Europa per la gioia dei più picinini.
Se te vol vederne, qua soto te trovi un breve estrato da una de le due esibizioni.
Come sempre se gavemo sai divertì, ora non ne resta che provar per el prosimo concerto!