Nel marzo 2008 la Vecia Trieste ga trascorso due setimane in Argentina. Un viagio meraviglioso ma sopratuto un'esperienza unica, che ne resterà sempre nel cuor.
Prima tapa: concerto a Quilmes
La prima esibizion del nostro viagio se ga svolto a Quilmes, cità della provincia de Buenos Aires. Oltre 200 persone xé venude a scoltarne mentre interpretavimo tochi internazionali come Don't cry for me Argentina e tochi clasici come Vola Colomba fin a tochi più nostri come Marinaresca. Una scaleta varia che ga raccolto l'aprezamento del pubblico.
Concerto coi Alpini
Le seconda tapa ne ga visto sonar a Buenos AIres, là de la Società Stella Alpina de San Justo; tra el publico, sempre numeroso, gavevimo una rappresentanza de Alpini che vivi ne la cità. Qua el publico ga dimostrà tuto el suo coinvolgimento balando con la nostra musica. Se ricorderemo sempre del fuori programa de un socio dei Giuliani di Buenos Aires che ga intonato Malafemmina riscuotendo un meritato suceso.
Musiche de Piazola a l'Università La Matanza
In una delle Sale de l'Università La Matanza gavemo portà la composizione de Astor Piazzola Libertango in una version riadatada per el grupo dal maestro Roberto Kobau. Ad guardar el nostro spetacolo, oltre a le rapresentanze de l'Università, un grupo de la Comunità de Mendoza. L'esibizion xè risultada particolarmente tocante grazie a le foto che veniva proietade drio le nostre spale su l’emigrazione giuliana dei anni zinquanta verso l’Australia; rente la nosttra sala infati iera la mostra fotografica su questo tema curada dai Giuliani del Mondo.
Data extra a casa de nuovi amici
Nel corso del viaggio gavemo visto Buenos Aires e gavemo sonà anche in giro per strada: in Plaza de Mayo gavemo improvisà un concerto che ga racolto l'entusiasmo de la gente. Inoltre semo stadi ospiti de un grupo de argentini de origine italiana: de lori gavemo sonà senza sosta coinvolgendo tuti con canti e balli.
Concerto a la Società Friulana de Buenos Aires
Le date uficiali xè riprese al Circolo dei furlani. Ne ga scoltà anche goriziani, trentini e argentini in una esibizion arrichida per l'occasione da tochi della tradizion furlana. Da le prime batude el concerto si ga trasformà in una serata danzante...del resto co xè destin...xè destin.
Tapa al Circolo Giuliano La Plata
In questa esibizion se gavemo dà el cambio con el coro La Plata. Gavemo rivà a a sonar anche insieme. Notevole sucesso per el tango “La Paloma” interpretà in spagnolo dalle voci feminili de l’orchestra. Dopo l’imancabile brano “la cugina americana”,se gavemo congedà dal publico.
Concerto finale al Circolo dei Calabresi
Dopo due setimane esaltanti l'ultima tapa xè stata calda ed estremamente amichevole. El concerto se ga svolto davanti a 600 persone che gà ballà musiche del folclore ma anche tochi evergreen italiani e internazionali.