Praticante de pianoforte de l’età de 15 ani…dopo soli due mesi de preparazion el vien lancià nel mondo de pianobar, feste e matrimoni…quela volta nol saveva gnanca leger una nota del spartito e ogi a distanza de 25 ani….stesa roba! Ga molà el pianobar (anche se de “bar” xè asai poco visto che nol bevi nianche), dal 2002 taca studiar blues, boogie woogie e rock’n’roll e dal 2019 jazz.
Dopo varie esperienze de turnista in molteplici situazioni musicali, la più lunga con la Bluesmobile -cover Band dei Blues Brothers dove el se ga cimentà per ben quasi 10 anni-, nel 2017 la svolta de la sua cariera musicale: incontra el Maestro Corrado Moratto con cui taca una proficua colaborazion musicale che parti da un “Te vien a sonar stasera? Sì ma cosa se sona? No state preocupar, se vedemo là. Tonalità? Sempre quela”.
Sempre nel 2017 una bela esperienza con Tullio de Piscopo al fianco del suo atuale insegnante, el Maestro Giovanni Vianelli che lo soporta de ben 18 anni.
Dal 2018 te lo pol veder sfreciar per le “strade de Muja durante el Carneval, che tanto ghe piasi” con una monoposto costruida dala scuderia Moratto (“un trespolo con le riode per sburtar una tastiera a baterie”).