Leader indiscuso de l’Asociazion Vecia Trieste e storico fondator del grupo, come quasi tuti i musicisti ga dovù zercar el suo strumento ideale.
Inizia con la fisarmonica, ma la gestion de due mani e tanti tasti non iera nele sue corde. Decidi quindi de aprociarse al bombardin, ma tre pistoni continuava a eser tropi, a quel punto el suo insegnante, stremà, ghe proponi el trombon “che va su e giù”… la scelta dela vita!
Parafrasando “4 amici al bar” de Dalla, Corrado se trova ala fine dei ani ’80 con qualche amico in osmiza a cantar e sonar canzoni triestine e limitrofe. E sarà proprio con quel trombon senza tasti, i suoi amici e una certa dose de coragio che Corrado deciderà de girar el mondo portando el folclore triestin fora dala zona Alpe Adria, ma per far questo bisogna studiar, quindi cantichiando:
E la coulisse volea suonareeeee
La xè rivada sul mi bemolleeeeee
E la sa che xe calante folleeeeeeeee
E un po’ più su volea andare
La coulisse per non stonare
E un po’ più su volea andare
La coulisse per non stonaaaaarrrr
Studia con Maestri del calibro de Desiglia, Zanella, Ferrari.
Se diploma al Conservatorio de Trieste e diventa Maestro de l’orchestra Vecia Trieste e dela banda dela Comunità degli italiani di Buie d’Istria, quindi dopo ani de studio, ricerche e tanta pratica finalmente capisi l’uso e l’utilità dei pistoni, tanto de comprarse un eufonio da strada con cui esercitarse nele spirometrie (per la felicità de chi ghe sona davanti).
Chisa se prima o dopo riverà sonar anche la fisa!