trombon

Come descriver Fabio? Alegro, sempre partecipe, polistrumentista.
Perché se te ga bisogno de un rulante Fabio xe la soluzion! (esendo sempre stada una sua grande pasion).
Perché se invece te ga bisogno de un sax Fabio xe la soluzion! (strumento su cui se ga specializà per ani nela Filarmonica de S.Barbara).
Perché se infine te ga bisogno de un trombon… Fabio xe la soluzion! (avendolo studià per sonar nela Fanfara dei Bersaglieri Enrico Toti de Trieste).

Leader indiscuso de l’Asociazion Vecia Trieste e storico fondator del grupo, come quasi tuti i musicisti ga dovù zercar el suo strumento ideale.

Inizia con la fisarmonica, ma la gestion de due mani e tanti tasti non iera nele sue corde. Decidi quindi de aprociarse al bombardin, ma tre pistoni continuava a eser tropi, a quel punto el suo insegnante, stremà, ghe proponi el trombon “che va su e giù”… la scelta dela vita!

Pluristrumentista de le coline de Santa Barbara -quasi USA- forgiado da ani e ani de dura formazion bandistica.

Alevado inizialmente come giovine tamburin casinista, con la scoperta che i balini sule partiture no iera musati fracagnai, se ga avicinà al vero mondo dele percusioni.

Ga inizià cusì a disturbar magiormente l'ensamble servindose de timpani, dimostrando che non saveva solo fare casin, ma saveva farlo proprio ben, a ritmo, e qualche volta anche intonà.

Furlan anomalo ancora in fase de studio, Guido se avicina a la musica grazie al coinvolgimento sociale che atua torno a le zone de la movida.

La sua atitudine a la musica lo porta a vagar fra le varie sezioni de la ShowBand.

Tradutor uficiale del grupo nela babele del Friuli Venezia Giulia, el se integra molto velocemente nel ensamble musicale. L'istrutor Stoini lo orienta ne la sua scelta finale: trombone medievale... strumento della vita.

El suo moto? Scaravente un tai!

Dale origini primitive del corno de cacia se evolvi diventando el miglior esecutor de trombon medioevale.

Afina le sue tecniche in altipian carsico diventando un luminare del setor.

Grazie a la contaminazione de la cultura dei Mariaci e da la musica della Krajina, Paolo riva a crear un osimoro musicale che lo proieta nel limbo dei artisti de musica contemporanea triestina.

Mujesan, dal 1979 se avicina a la musica nela scola dela compagnia Ongia, proseguindo dopo con le stesa banda dove nel giro de un ventenio el pasa da la tromba al trombone/bombardino.

Nel 2000 el entra a far parte dell'Orchestra Vecia Trieste e poi anche della ShowBand.

Inconfondibile col suo trombon verde, in tanti ancora se chiedi dove trova tuto quel fià per strombazar in quela maniera...mah mistero.

Xè la colona portante della sezion acompagnamenti, sempre presente da sempre: non se sa da quando... ma comunque prima.

Luciano nasi in una famiglia de artisti, ne citeremo solo uno: nono Nicodemo iera diretor dela banda de Colunia.

Tranquilo e de poche parole Luciano sona el trombon senza mai perder una nota. Ga sonà per ani la tromba basa ne l’orchestra a fiati Giuseppe Verdi Città di Trieste e deso sona nela GuggenBand Muja e nela ShowBand Vecia Trieste, sempre acompagnà dalla sua dolce e amorevole moglie Nereaaa…

Clase 1980, ga inizià a sonar nel lontano 1992 el bombardin ne la banda rionale de Borgo S. Sergio. Dopo svariate bande e svariati ani xè pasà al trombon, pasion che ghe trasmeterà a su fia Denise (oltre l'appetito).

Già presente ne la GuggenBand Muja nel 2016 entra a far parte, insieme a Denise e Cristina (quella che Dean definisi la sua compagna) ne la Vecia Trieste.

Clase 2010, la fa parte de la "Nova Trieste" osia la generazione futura.
Dopo i primi ani propedeutici acompagnando la band con el rulante, nel 2019 la debuta in un concerto "sfiancante" con el trombon, tale padre (Paolo Rocca) tale figlia.
Fortunatamente el suo caratere xè molto più dolce de quel de mama (Cristina).