Pluristrumentista de le coline de Santa Barbara -quasi USA- forgiado da ani e ani de dura formazion bandistica.
Alevado inizialmente come giovine tamburin casinista, con la scoperta che i balini sule partiture no iera musati fracagnai, se ga avicinà al vero mondo dele percusioni.
Ga inizià cusì a disturbar magiormente l'ensamble servindose de timpani, dimostrando che non saveva solo fare casin, ma saveva farlo proprio ben, a ritmo, e qualche volta anche intonà.
L'adolescenza lo ga portà ala trasgresion, finindo cusì ala ricerca de emozioni forti tramite l'aprendimento del trombon. L'aprodo ala musica de strada lo ga fato creser molto ne l'improvisazion e ne l'arte del 'intratenimento, ma el legame streto de quele sonorità a eventi enogastronomici lo ga fato creser anche de circonferenza.
Altalenante tra rigor e trasgresion, conscio del suo ruolo de stuntman da parata, ga finalmente capì che el destin lo stava trasinando inesorabilmente verso quel che saria stà el suo terzo stadio.
Ed ecolo che con l'espansion e l'evoluzione della Vecia Trieste da semplice banda a showband, Walter ga compreso che solo el Sousaphone podeva regalarghe el desiderado equilibrio interno tra ritmica ed armonia, tra presenza scenica ed eficienza musicale.
Ma che sia percusionista, trombonista o tubista in quela giornata poco conta, se te lo zerchi nel grupo guarda al picoleto compato che ga una ridada contagiosa, non te se pol sbagliar.