Xè un'oca? Una sirena de una nave? El suono de la soferenza? No, xè un sasofono.
E drio un grande sax pol eserghe solo un grande musicista: Diego.
Nato e cresudo sui alti coli mujesani, nel nobile borgo patria dei Lucchetti, el ga visto la chiave del suo iminente suceso in questo afascinante strumento, scoperto seguindo la banda del paese. Xè stà un lampo.
Ga comincià la cariera solista a soli sedici anni nela, inizialmente ridente, citadina de Grado, alimentado da bevande a base de late e menta. Poco aprezà purtroppo dal popolo tedesco in vacanza, e ga rivà convertir col tempo la citadina da ridente a soferente a causa dele sue melodie talvolta inconcludenti.
La passione per la musica lo ga strasinà inesorabilmente verso studi aprofondidi insieme a un grande saxofonista de musica jazz, che ghe ga permeso di padronegiar l'arte de le scale blues. Questo lo ga portà a sonar nelle più prestigiose osmize della zona, portando un bagaglio culturale carico de damigiane.
Insieme a Stefano ga formà così nell'adolescenza el famigerato grupo musicale Sobri Per Caso. El suo fidato strumento non lo ga abandonà mai nel corso de la vita: infati iera solito pranzar, guidar, lavar casa e quant'altro con al colo el suo compagno de aventure. Legenda nara che, durante un suo alenamento de nuoto, soto el pel de l'acqua se gabi intravisto una strana pina dorada. Diego non lo ga mai ameso, trovando scuse sula delicateza del strumento, ma nisun ga ancora sfatado quel inusuale raconto popolare.
Pasion e dedizion simili xè stade così notade dalla Showband Vecia Trieste che lo ga acompagnado sula reta via del divertimento, tentando però de coromperghe l'anima convertindolo a un strumento de magior volume e spesor. Ma l’imperterito Diego ga tegnù bota, e a quel punto el grupo se ga rasegnà a gaver un altro sax nel suo organico.
Se te scolti nel silenzio tra un brano e l'altro te poderà sentire qualche scala, arpeggio, o esercizio de riscaldamento. Quel xè lui, quel xè Diego de Lucchetti’s.