Mate Mekis

Formazione: 
Strumenti suonati: 

Nato nela ridente citadina de Crassiza nel comun de Buie in Istria, Mate -nota guida turistica de Buie- fin dala tenera età se ga diletà nel studio de quel comodo, portatile e poco ingombrante strumento cusì popolare nei eventi mondani dela zona: l'organo.
Cusì che tra un canto e una sonada e tra una sonada e un canto se ga fato strada nel mondo musicale eclesiastico istrian. Ben presto però la sua sede de musica lo ga obligado ad uscir dai canoni clasici a favor de un strumento sciuro più popolare e conosudo ne l'istriano col nome de rimonica (fisarmonica).
In sta maniera el ga conosù Stefano della Vecia Trieste e Stefano della Banda de Buie. Uno sonava el baso, e l'altro anca.
Acomunadi da l'amor per la grapa e per le feste, i se ga ritrovà ben presto a sonar e cantar insieme come trio in un gran numero de manifestazioni d'oltre confin.
Sentindose però in astinenza da compagnia mujesana, el ga deciso alora de aderir al progeto dela Vecia Trieste iniziando dale sfilate carnevalesche con la fisarmonica, evolvendose poi fin ale sfilate carnevaleseche con el più emozionante e voluminoso baso tuba.
Questa prepotente crescita personale ghe ga conferido enorme autostima, tanto da sentir el bisogno de porse anche lui al centro de l'atenzion con un nuovo strumento: el sousaphone.
E cusì, dopo i tre moschetieri ghe xe stada la nascita dei tre sousaphonisiti: una trapa per uno, una trapa per tuti, una trapa per Crasiza, Buie, Istria, Verzeme.

Come leger el sito in trestin

Gavemo zercà de scriver coreto e quindi no gavemo usà dopie.

Ociò però a come te legi perché l'abitdine xe de parlar in triestin, no de legerlo o scriverlo, per cui la 's' aspra (sibilante sorda in cichere) e la 's' dolce (sibilante sonora in cichere) xe scrite uguali e quindi...te devi star atento!

Un esempio per tuti: 'Baso de casa' no xè inteso come 'bacio di casa' (?!?) ma 'basso di cassa'...perché xe un sito de sonadori.

Cosa gavemo imparà? El triestin xe bel ma costa fadiga e noi per la tradizion purghemo! Bona letura!