Sousaphone

In questa puntata de Super Vecia Trieste parleremo de l 'evoluzion del Stefano (Musicus Muggiae Vulgaris).

Più comunemente noto con el nome de Maestro o Giok, lo Stefano xè un tipico esemplar de musicista ecletico de confin.

In tenera età el Stefano, vien atrato da musiche folkloristiche triestine, speso el zampeta tra una frasca e l'altra.

Anche se vien atrato da la musica fin de picio, solo nel periodo pre-puberale comincia a usar el tamburo: anche i più esperti confondi el rumor del beco del pichio con quel de le bachete del Stefano.

Ta ta ta ta ta ta brummm.

Xè el rombo del trator, regolare e potente quanto el baso de Stefano.

Stefano ga comincià la cariera a quatordize ani con la speranza de salvar dala disgrazia un vecio tamburo abandonado nela sua cantina. Notando però el totale disinterese dei coleghi dela banda ga deciso lui steso de aprender l'arte dela musica per risolvere questo suo problema. Solo a distanza de ani se ga acorto che, studiando el baso tuba, non gavesi podù imparar niente in fato de percusioni.

Ormai però el dado iera trato.

Nato nela ridente citadina de Crassiza nel comun de Buie in Istria, Mate -nota guida turistica de Buie- fin dala tenera età se ga diletà nel studio de quel comodo, portatile e poco ingombrante strumento cusì popolare nei eventi mondani dela zona: l'organo.
Cusì che tra un canto e una sonada e tra una sonada e un canto se ga fato strada nel mondo musicale eclesiastico istrian. Ben presto però la sua sede de musica lo ga obligado ad uscir dai canoni clasici a favor de un strumento sciuro più popolare e conosudo ne l'istriano col nome de rimonica (fisarmonica).

Pluristrumentista de le coline de Santa Barbara -quasi USA- forgiado da ani e ani de dura formazion bandistica.

Alevado inizialmente come giovine tamburin casinista, con la scoperta che i balini sule partiture no iera musati fracagnai, se ga avicinà al vero mondo dele percusioni.

Ga inizià cusì a disturbar magiormente l'ensamble servindose de timpani, dimostrando che non saveva solo fare casin, ma saveva farlo proprio ben, a ritmo, e qualche volta anche intonà.